iPhone 鍵盤技巧(一):單手打字更方便!
好多人都習慣單手走天涯,但隨著手機越出越大,單手打字、Loop機都會有啲辛苦!依家Etopia教你一招,等你單手用機message都非常輕鬆!

1.進入設定後,點選鍵盤。
2.進入另一個介面後,然後點選單手鍵盤。
3.然後會有左、右邊選擇,用家可跟據自己嘅習慣去揀。
4.最後,你會發現鍵盤會傾向自己常用嘅方向。


iPhone 鍵盤技巧(二):搖一搖即還原!

用電腦打字唔小心刪咗之前嘔心瀝血之作就話可以Cltr Z啫,但係如果用手機唔小心Del咗一大段嘢呢?以為咩都做唔到要含淚再打過?但其實iPhone內置咗一個「復原」嘅功能,當你唔小心刪咗段文字後,只要搖一搖部手機就可以復原喇,唔使再嘥時間心力去打過!快啲分享畀你身邊嘅朋友知啦!
>復原方法:搖一搖手機直接畫面出現「Undo Typing (復原文字)」嘅對話!


iPhone 鍵盤技巧(三):空白鍵兩下即句號!

沒有句號嘅句子,猶如沒有結局嘅愛情,總帶著一點遺憾。有幾多人為咗慳時間而唔去打個句號呢?一般嚟講,要打個句號其實就要切換去符號版面,再去揾返個句號。
如果你有一個打「句號」嘅捷徑,你會唔會再畀多次機會自己,為你哋嘅對話打返個「句號」?
????其實只要你連續喺鍵盤撳「空白鍵」2下,iPhone就會自動幫你打咗個包號㗎喇!
好聚好散,即使對話、關係結束,都希望大家可以好好咁打返個「句號」。